Rusiye ve Ukrayina elâk olğan arbiylerniñ cesedlerini deñişti, dep haber etti Putinniñ yardımcısı Vladimir Medinskiy Telegram kanalında.
Onıñ aytqanına köre, Rusiye Ukrayinağa elâk olğan 1000 arbiyniñ cesedini berdi, Ukrayina ise Rusiye tarafına elâk olğan 19 Rusiye askeriniñ cesedini berdi. Medinskiy ceset deñişüvi Rusiye ve Ukrayinanıñ iyünniñ başında İstanbulda tizilgen añlaşmalar çerçivesinde oldı. Anda taraflar cenk esiri, vatandaş mabüsleri ve elâk olğanlarnıñ cesetlerini deñişmege añlaştı.
Ukrayina cenk esirlerine yanaşuv koordinatsion ştabı haber etkenine köre, «keçirilgen repatriatsiya tedbirleri neticesinde elâk olğan 1000 kişiniñ cesetleri Ukrayinağa qaytarıldı. Rusiye tarafınıñ malümatına köre, cesetler Ukrayina vatandaşlarına, hususan arbiylerge ait». Uquq qoruyıcı organlarınıñ tahqiqatçıları İç işler nazirliginiñ ekspret müessiselerinen beraber ekspertizalar keçirecek ve berilgen cesetlerniñ kimge ait olğanını bilecekler, dep qayd etile haberde.
Rusiyege elâk olğan 19 Rusiye arbiyiniñ cesedi qaytarılğanına dair bir malümat yoq.