Rusiye darbe uçucısızlarınıñ Dnipropetrovsk vilâyetine qarşı gece ücümi neticesinde bir insan elâk oldı, daa on kişi yaralandı. Bu aqta vilâyetniñ arbiy memuriyet yolbaşçısı Serğiy Lısak bildirdi.
Eñ büyük zararlar Dnipro şeerinde qayd etildi. Anda bir insan elâk oldı ve beş kişi yaraladı, sanayı müessiseleri zarar kördi. Ücümler Dnipropetrovsk rayonı, Solonânska ve Slobojanska cemiyetlerinde qayd etildi.
Nikopol de ateşke oğradı. Şeerniñ merkezinde dron maşinağa ücüm etti – yanğın çıqtı. 65 yaşında erkek ve 58 yaşında qadın yaralanğanlar. Kelgen qurtarıcılar da ücümge oğradı, üç kişi yaralandı.
Bundan ğayrı, Rusiye ordusı reaktiv ateş sistemalarından Marganets cemiyetine ve Sinelknikov rayonınıñ Mejevskaya cemiyetine darbe endirdi. Anda infrastruktura zarar kördi, lâkin yaralanğanlar olmadı.
Ukrayina Silâlı quvetleri Ava küçleriniñ haberine köre, iyulniñ 17-ne keçer gecesi Rusiye Ukrayinağa 64 dronnen ücüm etti: 59 Shahed darbe uçucısızı ve 5 çeşit taqlit dronınen. Saat 08:30-ğa qadar Ukrayina ava mudafaası Ukrayinanıñ şimali ve şarqında 36 dronnı yoq etti. Daa 5 taqlit dronı radioelektron küreş vastalarınen bastırıldı ya da coyuldı. Böylece, uçucısızlarnıñ 64%-ı tesirsiz alğa ketirildi.