Ukrayina prezidentiniñ Qırım Muhtar Cumhuriyetindeki temsilciligi iyulniñ 17-ne qadar Qırıma Rusiye ordusını «itibardan tüşürüv» memuriy maddesine istinaden mahkemege berilgen 1472 dava qayd etildi. Bu raqam iyulniñ 7-nde qayd etilgen davalarnıñ sayısından 37 dava daa çoq.
«1340 davada para cezası ya da umumiy qararlar şeklinde cezalar belgilendi, daa 55 dava açıq qala. Repressiyağa oğrağan qadın ve erkeklerniñ sayısı aman-aman aynı: 683 qadın (51%) ve 656 erkek (49%). Eñ kritik vaziyet – Ermeni Bazarda: 2025 senesiniñ tek ilk altı ayında mında 164 dava açıldı, yani bu müddet devamında Qırımdaki davalarnıñ yarısı», – dep aytıla müessise haberinde.
Hatırlatamız, Ukrayina prezidentiniñ Qırım Muhtar Cumhuriyetindeki temsilciligi keçken afta Rusiye ordusını «itibardan tüşürüv» memuriy davasına istinaden tizilgen 1435 protokol aqqında bildirdi.
İyünniñ başında haber etilgenine köre, Qırımda Rusiye ordusını «itibardan tüşürüv» maddesine istinaden 1382 dava qayd etildi.
Avropa insan aqları mahkemesi Rusiyeni söz serbestligini muntazam sürette bastırğanında ve Ukrayinağa qarşı cenkni tenqit etüv içün taqiplerde qabaatladı. Avropa mahkemesi Qırımda Rusiye mahkemeleriniñ bütün «ükümleri» qanunsız ola, dep qayd etti.