Ukrayina prezidenti Volodımır Zelenskıy Rustem Ümerovnı Ukraiyna milliy telükesizlik ve mudafaa şurasınıñ kâtibi vazifesine tayinledi. Bunıñnen bağlı ferman Ukrayina prezidentiniñ saytında derc etildi.
Diger qararınen Zelenskıy 2024 senesi saban ayından berli RNBO kâtibi olğan Oleksandr Litvinenkonı işten boşattı.
Keçken afta Volodımır Zelenskıy, Ümerovnı ABD elçisi vazifesine ihtimal namzet olaraq adlandırdı. Amma oraq ayınıñ 17-nde o, Ölğa Stefanışinanıñ ABD-nde Ukrayina elçisi vazifesine namzetliginiñ tasdıqlanuvı devam etkenine qadar, o, ABD ile işbirliginiñ inkişafı meseleleri boyunca prezidentniñ mahsus vekâletlisi statusında çalışacaq, dep bildirdi.
Oraq ayınıñ 17-ne qadar Rustem Ümerov Ukrayina Mudafaa nazirliginiñ yolbaşçısı edi. Onıñ yerine Ukrayinanıñ sabıq baş naziri Denis Şmıgal keldi.
